Библи бидэнд хүн Бурханд очно гэдгийг маш тодорхой заан өгдөг.

   Есүс хүн төрөлхтөний гэмийн төлөө загалмайд цовдлогдож нас барж, дахин амилахынхөө өмнө нэг удаа шавь нартаа ингэж хэлж байв. “Миний явах газарт очих замыг та нар мэднэ” гэв. Гэтэл Есүсийн шавийн нэг болох Томас – Эзэн, бид Таны хаашаа явахыг мэдэхгүй. Бид тэр замыг яаж мэдэх вэ? гэж асуулаа. Шавь нар Есүсийг дагах нь дагаж байсан боловч өөрсдөө хаашаа явж байгаагаа болон Есүс хэн бэ гэдгийг ч сайн мэдэхгүй байв. Харин Есүс хэлэхдээ “Би бол зам, үнэн, амь мөн. Хэн ч Надаар дамжилгүйгээр Эцэгт хүрэхгүй” гэж хэлсэн юм. Есүсийн хэлсэн зүйл нь: Хүний очих газар нь Бурхан гэдгийг заан өгч байна.

Балчир хүүхдүүд баг зүүдэггүй

Томчууд бусдад харагдах гэж баг зүүдэг. Байхгүй ч байгаа юм шиг, мэдэхгүй ч мэддэг дүр эсгэн хоосон сүржигнэдэг. Зарим хүмүүс баг зүүхдээ онцгой гаргуун байдаг. Гурав хоног өлссөн ч өөхтэй хавирга идсэн дүр үзүүлэх нь бидний нэр нүүрээ бодсон байдал юм.

баг зүүдэг хүн багаа зүүснээр өөрийгөө бодит байдлаас илүү мундаг харагдах болно гэж андуурдаг. Харин ихэнх хүмүүс баг өмсөөгүй хүнд илүү татагддаг байна. Баг өмсөөгүй хүнд баг зүүдэг нэгнээс олж харахын аргагүй үнэн сэтгэлийн хүч байдаг юм. энэ хүч заримдаа илд мэс, эрх мэдлээс илүү сүрийг үзүүлнэ.

Нэгэн жишээг иш татая.

Блог нэрний тайлбар, анхны бичлэг

Сайн байна уу? Та бүхэнд энэ өдрийн мэндийг хүргэе! Юуны өмнө би блог блогсподод блог нээсэндээ баяртай байна. Анхны бичлэг болгож би яагаад блогоо ганц үнэн гэж нэрлэснээ тайлбарлая гэж бодлоо. Есүс хэлэхдээ би бол ганц зам үнэн амь мөн гэж хэлсэн байдаг.

Есүс бол энэ дэлхийн хүн төрөлхтөнийг гэмийн шийтгэлээс аврахаар ирсэн аврагч юм. Библийг үзвэл хүн бүр гэмтэй гэдэг. Гэмтэй хүн шийтгэлийг авах нь үнэн юм. Гэхдээ Есүс Христ бидний гэмийг төлөөс болж загалмайд нас барсан юм. Тийм учраас Бид түүнд итгэвэл аврагдаж Тэнгэрийн хаанчлалд орох юм. Хүн гэм үйлдсэнээр Бурханаас холдох болсон нэг үгээр хүн Бурхантай харилцаа тасрах болсон. Гэхдээ хүн Есүсээр дамжуулан Бурхан дээр очих боломжтой болсон юм.