Давс ба гэрэл

       Есүсийн хэлсэн энэ үгнээс үзэхэд Есүсийн шавь дэлхийн хүмүүсийн дунд ямар байр суурьтай ба ямар үүргийг биелүүлэх ёстойг мэдэж болно.

Есүсийн шавь бол газрын давс юм. Та давсгүй хоол идэж үзсэн үү? Мэдээж үзсэн байх гэж бодож байна. Давс хоолыг сайхан амттай болгодог. Мөн давс хийж ногоо даршилдаг. Энэ нь муудахаас хамгаалдаг. Давс бол үнэхээр чухал үүрэгтэй байна. Одоо энэ дэлхий хайр найргүй, замбараагүй, ёс бус үйлсээр дүүрэн байна. Харин итгэгчид нь амт оруулах үүрэгтэй хүмүүс юм. 

Хэрвээ бидний амьдарч буй нийгэм улам л доройтон ялзарч байгаа бол Есүсийн шавь нар үүргээ сайн биелүүлэхгүй байгаатай холбоотой.

            Бас Есүсийн шавь бол дэлхийн гэрэл юм. Гэрэл нь түнэр харанхуйн дунд ч тод харагддаг. Миний мэдэхийн жожголкний гэрэл өчүүхэн жижиг ч харанхуй шөнө их тод гэрэлтдэг.  Хичнээн жижиг гэрэл байсан ч тас харанхуйд тод цацардаг. Бид өөрсдийгөө жижиг гэрэл учраас юунд ч хэрэггүй гэж бодож болохгүй юм.

 Гэмээр харанхуйлсан дэлхийд итгэгчидийн сайхан үйлс нь гэрэл мэт байдаг учраас хүмүүс хараад Бурханд алдрыг өргөж тэдэн шиг ариун шударгаар амьдрах хүсэл найдвар, амьдралын зүг чигийг олж авдаг. 

Усны гүн уруу нь очоод тороо хаяад барь

Лук 5:1-11

Симон Петр тэргүүтэй хэдэн загасчид шөнөжин загасчилаад ямар ч загас бариагүй хүрч ирээд тороо угааж байв. Харин энэ үед Есүс Симон Петрт “Усны гүн уруу нь очоод тороо хаяад барь” гэв. Петр бол Галил нуураас насаараа загас барьсан загасчин хүн юм. Түүний туршлагаас үзвэл өдөр  загасчилах нь тийм ч үр дүнтэй биш бас гүн хэсэгт тороо хаяад загас барина гэдэг боломжгүй юм. Дээрээс нь түүний хувьд урьд шөнө загасчилаад юу ч бариагүй маш их ядарсан байсан. Ийм тэр Есүсийн хэлсэн үгийг дагаж гүн хэсэгт тороо хаяна гэдэг амаргүй юм.

Бидний сайн сайхны төлөө ажилладаг Бурхан

Ром библийн 8:28 үзвэл “Бурханыг хайрладаг, Түүний зорилгын дагуу дуудагдсан хүмүүст тохиолддог бүхий л зүйл эцэстээ тэдний сайн сайхны төлөө байдаг гэдгийг бид мэднэ” гэдэг үг байна.

Сайн сайхны төлөө гэж бид Бурханы Хүү Есүс Христийн дүртэй адил болох, улмаар Бурханы хаанчлалд ороход зохистой хүн болж өсөх явдал юм. Бурхан биднийг аврахаар урьдаас тогтоогоод цаг нь болоход дуудаж, итгэлийг өгөн зөвтгөсөн нь бидний сайн сайхны төлөө хийсэн Бурханы ажлууд билээ. Хүн угийн сул дорой учраас гэмийн хүсэлд амархан бууж өгч дараа нь санаагаар унан цөхөрдөг. Гэвч биднийг дуудсан Бурхан биднийг гэмийн дунд сүйрэг гэж хэзээ ч орхидоггүй. Сатаны хүч их юм шиг боловч Бурханы хүч бүр их бөгөөд Сатан нь бидний амьдралд зориулсан Бурханы эцсийн төлөвлөгөөг өөрчилж чадахгүй.

            Иаковын 12 хүүгийн бага Иосефыг мэдэхгүй хүн гэж байхгүй. Тэр Иаковын хамгийн хайртай хүү байсан.